Studiesukses hang af van goeie slaap.

Slaap jy gewoonlik goed voor jy 'n toets skryf?

Dit skerp op wat jy vir die toets moet ken, want dit herhaal en verdiep wat jy geleer het. So ongeveer 7 tot 8 ure slaap elke aand help jou om  probleme op te kan los.

Hierdie is egter geen strategie om slaapprobleme reg te maak nie. Ek wil graag vir jou riglyne gee om die konsep van slaap beter te verstaan. 

Probleme los dan vanself op.

                                                                                                                                  

Oorweeg die volgende:

1.   Ontwikkel ’n ander benadering tot slaap

As jy nie tevrede is met die kwaliteit van jou slaap nie, kan dit frustrerend wees. As jy hard probeer om beter te slaap, kan dit ’n saak raak wat te veel gewig dra. Hoe meer jy dit wil forseer, hoe swakker is die resultate.

Wanneer jy vir jouself sê om vinnig aan die slaap te raak omdat jy helder moet wees vir die volgende oggend se toets, stimuleer dit net meer stresvolle gedagtes wat slaap teëwerk. Dit veroorsaak dat jy juis verder weg is van slaap.

Laat vaar jou doelwit! Verander jou strategie om langer/beter/gouer te slaap, na 

minder besorgd te wees oor slaap. Dink oor slaap as bloot iets wat jy aan die einde 

van die dag doen en gee nie erns aan die saak nie.

Moenie gepla - of nie gepla - wees oor die hoeveelheid of kwaliteit van slaap wat jy kry nie.

Jou liggaam weet hoe om te slaap – laat die natuur toe om sy gang te gaan en natuurlik te ontvou. Laat jou liggaam en gees toe om te rus.

2.   Rustige omgewing en gewoontes

·         Jou liggaam en brein hou van patrone en roetine – Word jy wakker en gaan slaap jy op dieselfde tyd elke dag?

·         Kalmte en ontspanning bevorder slaap – Is jou slaapkamer ’n netjiese en aangename spasie?

·         Die ligskerms van ons toestelle onderdruk die produksie van die slaaphormoon. Watter stimulasies kan jy voor bedtyd vermy? Dink byvoorbeeld aan televisie-kyk of speletjies speel op jou selfoon.

·         Verwyder tegnologie uit jou kamer – laat gerus jou selfoon in ’n ander kamer laai.

·         Eet swaar etes vroeër in die dag en let op die effek van stimulerende drankies soos koffie of Coke op jou rustyd. Of maak dit wat jy ingeneem het jou wakker en jaag dit jou op na die badkamer? Alkoholiese drankies kan jou dalk makliker aan die slaap laat raak, maar wat is die effek daarvan later in die nag?

·         Kry genoeg fisieke oefening gedurende die dag – al is dit ’n 30-minute vinnige stap in jou omgewing.

·         Neem ’n warm bad of stort voor jy bed toe gaan.

·         Indien jy wakker word in die nag of vroeë oggend, bly in die bed want as jy opstaan, skep dit gewoontes wat jou roetine versteur. Doen spesiale slaaptegniek #3 om jou brein sagkens te fokus. Jy hoef nie per se te slaap om genoeg rus te kry nie. Weet dat wanneer jy ontspan met jou oë toe, jy die nodige rus vir liggaam en gees kry.

Spesiale slaaptegnieke om jou te help om aan die slaap te raak Voel jou liggaam se kontak met die bed vir ’n paar asemhalings. Geniet dit!       1.      Speel jou dag vinnig af in jou verbeelding (vir 20-30 sekondes lank) tot waar           jy nou in jou bed lê.       2.      “Skakel” liggaamsdele een vir een “af” met jou verbeelding. Doen dit van jou voete tot by jou kop.       3.      Tel stadig terug van 1000 tot by 0.

3.    Bewuswording

Net soos by streshantering  is daar ’n konneksie tussen liggaam en gedagtes. Meer oplettendheid ten opsigte van die sensasies in jou liggaam gedurende die dag beteken meer rustigheid – ook in die nag.

Indien jy byvoorbeeld ’n paar keer per dag jou lyf “skandeer”, kan jy van stres wat opbou, bewus raak. Jou lyf (en gedagtes) kan tot bedaring kom as jy op die gevoel van die sensasies fokus. Jy kan tegelyk kalm en besig wees.

Dit is belangrik dat na jy jou lyf se stem luister en hoor wat dit vir jou wil sê. Jy kan byvoorbeeld agterkom dat jou skouers optrek en daar ’n pyn in jou nek is - jou lyf kommunikeer dan byvoorbeeld aan jou dat dit nie help om dinge (bv. slaap) te wil beheer nie.

Verwagtings, soos ‘Ek behoort goed te slaap!’ kan ’n hindernis wees. ’n Bewuswording van hoe jy oor slaap dink (ook elke keer as jy só dink) in jou dag is handig om die natuurlike proses te laat ontvou. Jy kan dit sagkens - sonder oordeel - raaksien en benoem: ‘Ek raak bewus van... bv. ’n bekommernis oor té min slaap’ – verwoord dit met ’n sin en kom dan terug na wat jy mee besig was.

Jy kan oopkop te wees omdat jy vryheid van denke toelaat. Dit lei daartoe dat jy nie vasgevang raak in bekommernis nie. Die nuuskierigheid in die proses wat ontvou is belangriker as die doel wat jy wou bereik. Deur minder om te gee of jy genoeg of goed slaap en minder daaroor te stres kan die proses gouer natuurlik ontvou en goeie slaap is die byproduk.

In die vervolg vra ons nie eers of jy goed geslaap het nie... Lekker RUS!

What is the Complete Study Course?

The Course is meant to give you or your children practical insight on how to learn more effectively and with less frustration. The lessons in this course can help in learning many different subjects and skills. Whether you love language  or math, music or physics or history, you will have a lot of fun, and learn a LOT about how to study!

It is provided to students at school or university level.

Contact Details

Lucia Brand
082 782 4747
luciabrand@cybersmart.co.za